Zornotzako Udalak Jauregibarria parkean dagoen zubia —presatik gertuen dagoena— berriztuko du eta egun dagoenaren ordez, egurrezko beste bat jarriko du. Lanak datorren astean hasiko dira eta hiru aste iraungo dute. “Lan hauei esker San Martingo erreka gainean dagoen zubiaren segurtasuna areagotuko da”, azaldu dute udaletik ohar batean.
Zubi berri honek 14 metroko egitura izango du eta 5 metro igarotzeko. Gainera, ez labaintzeko zorua izango du eta 1,10 metroko altuera duen baranda. Barrote bertikalak izango ditu eskalatzea ekiditeko.
Udalak 45.000 euroko inbertsioa egin du guztira honetarako.
Iaz beste zubi bat berriztu zuten
2018ko otsailean Jauregibarria parkearen inguruan dagoen oinezko beste pasabide bat ere aldatu zuten.