Plataformakoak San Antonio auzoko bizilagunekin batu ziren euren egoera ezagutzeko. Auzo horretako hainbat etxe N-634 errepidearen ondo-ondoan daude. Auzotarren ideia izan zen Rementeria euren etxeetara gonbidatzea eta Plataformakoek hedabideetara helarazi duten testu batekin formalizatu dute gonbidapen hori. Zehazki, Maria Jesus Charterina auzotarrak errepide alboan duen baserria eskaini dute.
Errepide alboan bizi direnek “zarata, kutsadura eta euren bizitza arriskuan jarri barik errepidea gurutzatzeko ezintasuna” pairatzen dituztela jasotzen du testuak eta Rementeriak “eguneroko sufrimendu” hori ezagutzea gura dutela.
Errepidetik egunero 22.000 auto pasatzen direla gogoratu dute eta arazoaren irtenbide “onena eta arinena” AP-8ko bidesaria kentzea dela.
