“Valladoliden, auzotarrek txaloen artean lagundu ninduten amaierara; hunkigarria izan zen”

“Valladoliden, auzotarrek txaloen artean lagundu ninduten amaierara; hunkigarria izan zen”
Aratz Antolin Allende Mundi elkarteko egoitzaren atean, proba amaitu eta auzotarren txaloak jasotzen.

90 kilometro geratu barik egin ditu Aratz Antolin zornotzarrak Valladoliden La Rondilla auzoko elkarte bati laguntzeko.

Joan zen bariku gauez irten zen, korrika. “Eguzkia irten aurretik ahalik kilometro gehien egin gura nituen. Gau itzela izan zen, tenperatura atseginagaz eta ilargi beteagaz. Valladoliden, auzotarrek txaloen artean lagundu ninduten amaierara, elkarteko atera. Hunkigarria izan zen”, gogoratu du Antolinek.

Allende Mundi elkarteari laguntzea izan da erronkarren helburua. Ekimena gauzatzeko lortu duen GAES entzumen zentroko beka eurentzat izan da. Elkarteko kideek, esker onez, euren egoitzako lokal bati Aratz Antolin izena jarri dute eta ekimena gogoratzen duen plaka bat jarri dute.