Barikuan, 09:30ean deitu dute kontzentrazioa; manifestazioa 20:00etan hasiko da Zornotzako Erreferendum plazatik. Era berean, ostegun iluntzean, deklarazio egunaren bezperan, epaiketaren gastuak ordaindu ahal izateko kontzertua antolatuko dute Ziztada Gune Askean: 19:30etik aurrera Iratxe eta Eneko zornotzarren musika entzun ahalko da.
Ziztada Gune Askeko kideek okupazioa “guztiz zilegi” ikusten dutela berretsi dute komunikatu baten bidez eta azken hileetan hainbat ekintza kultural antolatu dituztela gogoratu dute: “Gure nahia salaketen gainetik bide horretan jarraitzea da”.