Karmele Larrozea, Pedro Uriguenen iloba: "Atzo, trankildu ginenean, kriston 'Gora Euskadi!' bat bota nuen"

Atzo, osabarenak izan daitezkeen hezurrak Mendatan atera eta gero, "alegria eta lasaitasuna" sentitu zuen bere iloba Karmele Larrozeak. Pedro Uriguen gudari zornotzarra Otxandioko batailoiko kidea izan zen, eta familiak bazekien non ehortzi zuten. Zaurituta zegoela egin zioten tiro faxistek, eta gero alboko baserriko kideek ehortzi zuten.