Guztira, Zornotzako 1.019 familiak eta 87 komertziok bat egin dute kanpainagaz. Materia organikoa birziklatzeko ‘Ongi etorri’ kanpaina amaitutzat jo du udalak, baina “birziklapena sustatzen eta behar den tokietan kondenedoreak jartzen” jarraituko dutela adierazi du David Latxaga alkateak ekimenaren balorazioa egiteko deitutako prentsaurrekoan. Horrela, herritarrei materia organikoa “birziklatzen jarraitzeko” eskatu die. Aurrerantzean, birziklatzeko kit-a bulego teknikoan egongo da eskuragarri.
Orain arte, herrigunean ipini dituzte 40 kontenedoreak. Auzoetatik ere eskaerak egon direla adierazi du Latxagak, Eubatik esaterako, eta 5. kontenedore marroia bertara eramatea aztertuko dutela esan du.
Kanpainak "uste genuean baino erantzun hobea izan du" Juan Mari Ugalde zinegotziaren esanetan: "Aurrerantzean hartutako bideagaz jarraitzea gura dugu, bide zuzena delako".
BATUTAKO MATERIA ORGANIKOA HILEKA
- AZAROA.................... 860 kilo
- ABENDUA.................. 3.180
- URTARRILA............... 5.240
- OTSAILA................... 4.320
- MARTXOA................. 6.080
- APIRILA.................... 7.420
- MAIATZA.................. 6.500
- EKAINA.................... 7.800
- GUZTIRA................. 41.400