Etorkizuneko Olazar Pilota Txapelketan jardunaldi berri bat jokatuko da gaur, 21:00etatik aurrera, Zaldibarko pilotalekuan. Lau eta erdiaren barruan Nazabalek eta Armaoleak neurtuko dituzte indarrak. Ondoren, binakako partidua hasiko da: Irribarria-Segurola / Ramirez-Canseco.
Joan zen asteko jardunaldian binakako partidu bi jokatu ziren. Lizeagak eta Sotilek 22-19 irabazi zuten Galarzaren eta Cansecoren aurka. Ondoren, Etxebarriak eta Uriartek 22-10 menderatu zituzten Ibarluzea eta Iturbe.