Gaur, eguenero bezala, jardunaldi berri bat jokatuko dute Zaldibarko pilotalekuan, 21:00etatik aurrera. Lau eta erdian Aranbarrik eta Beitiak neurtuko dituzte indarrak. Binaka Apezetxea eta Markaida Lerenaren eta Altuzarraren kontra ariko dira.
Joan zen asteko jardunaldian Uriartek erraz irabazi zion A.Egigureni: 22-8. Binaka, Etxanizek eta Irazustabarrenak gehiago sufritu behar izan zuten Amiano anaiak mendean hartzeko: 22-18.