Gaur Etorkizuneko Olazar Txapelketako bigarren jardunaldia jokatuko dute Zaldibarren. Partiduak 21:00etan hasiko dira.
Gaurko protagonistetako bat Faben Ituarte izango da. Pilotari atxondarrak lau eta erdiko partidua jokatuko du Beitiaren aurka. Binakako partidua, berriz, honako hau da: Irribarria-Oliden / Apeztetxea-Markaida.
Joan zen asteko emaitzak
Joan zen asteko lehenengo jardunaldian, Gontzal Azkarraga-Urizar elorriarrak galdu egin zuen binakako partiduan. Albizuk eta biek 17-22 galdu zuten Amiano anaien aurka. Amiano anaiak txapelketa irabazteko faboritoen artean daude. Lau eta erdian A.Egigurenek 22-10 irabazi zion Egurrolari.