Zaldibarko Etorkizuneko Olazar Pilota Txapelketako antolatzaileek zuzeneko emankizunak egiten dituzte eguenero. Youtube-n ez ezik, ANBOTOren webgunean ere jarraitu ahal dira emankizunak. Aritz Gallastegi kazetaria izan ohi da esataria eta Enrike Agirrebeitia komentarista.
Joan zen astean gizonen lau eta erdiko finalerdi biak jokatu zituzten. Partidu biak oso lehiatuak izan ziren. Lehenengoan, U.Amianok ozta-ozta irabazi zion Irribarriari: 22-21. Bigarrenean, Etxebarriak 22-18 menderatu zuen Apezetxea. Partidu horien zuzeneko emankizuna LOTURA HONETAN ikusi daiteke. Olazar txapelketako jardunaldi guztiei buruzko informazioa, berriz, LOTURA HONETAN eskuratu daiteke.