35. Olazar pilota txapelketako laugarren jardunaldia jokatuko da gaur, 21:30ean, Zaldibarko pilotalekuan. Lau t'erdian Altunak eta Apezetxeak neurtuko dituzte indarrak. Binaka, berriz, honako hau da partidua: Ormaetxe-Irazustabarrena / De la Fuente-Lazkoz.
Joan zen asteko jardunaldian Aranbarrik 22-5 irabazi zion Lizeagari. Kolore bako partidua izan zen. Aranbarrik alde handia hartu zuen partiduaren hasieran (8-1) eta Lizeagak ezin izan zion alderik murriztu.
Senarrek eta Olidenek 22-17 menderatu zituzten Fernandez eta Eskuza. Partiduko zatirik handienean irabazleak aldetxoarekin ibili ziren (5-0 / 14-8) baina Fernandezek eta Eskuzak partidua berdintzea lortu zuten: 16-16. Gatxenak eginda zirudienean irabazleek erreakzionatu egin zuten eta ia zuzenean joan ziren 22ra.