Lur-jausia Zaldibarren

Jaurlaritzak ez du jarraituko Joaquin Beltranen bila

Josu Erkoreka lehen lehendakariordeak presazko agerraldia egingo du, gaur, 09:00etan. Eusko Jaurlaritzak Zaldibarko zabortegian Joaquin Beltran bilatzeko lanekin amaituko duela azaltzeko deitu dute agerraldia. Arantxa Tapiak Ekonomia Garapen, Jasangarritaun eta Ingurumeneko sailburuak ere parte hartuko du. Zaldibarko zabortegiko hondamendia gertatu zenetik 15 hilabete pasatu dira.

Zaldibarko zabortegia hondoratu zela15 hilabete igaro direla, Joaquin Beltran langilearen gorpua topatzeko lanak bertan behera utzi dituela iragarriko du Eusko Jaurlaritzak gaur.

Maiatzaren erdialdean heldu zen Joaquin Beltranen gorpua aurkitzeko lan-taldea. "eremu berora". Hain zuzen ere, "Joaquin Beltranen ibilgailua, giltzak ipinita eta motorra martxan, zegoen eremura”, orduan Eusko Jaurlaritzak azaldu zuen moduan. Apirilaren 28an bilaketa lanak ikustera joan ziren Iñigo Urkullu lehendakaria, Erkoreka eta Arantxa Tapia Eusko Jaurlaritzako Ekonomia Garapen eta Azpiegituretarako sailburua. 

Zaldibarko zabortegiko hondamendia gertatu zenetik 15 hilabete pasatu dira. Bi langile harrapatu zituen luiziak: Alberto Sololuze eta Joakin Beltran. Sololuzeren gorpuzkiak iazko abuztuan topatu zituzten.

 

Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.