Bere lehenengo parte hartzean Zaldibarko Olazar Pilota Txapelketako finalera sailkatu daiteke Aimar Morgaetxebarria zornotzarra. Koronabirusaren ondorioz, jardunaldi asko bertan behera geratu dira, baina txapelketarekin aurrera jarraitu dute zuzenean finalerdiak eta finala antolatuta. Euretako protagonista bat izango da Zornotzako pilotari gaztea. Abenduaren 28an, 18:00etan, jokatuko du binakako finalerdia, Karregalekin bikotea osatuz. Exposito eta Lizeaga izango dituzte kontrario. Lau t'erdian Senar eta Ormaetxe arituko dira.
Aurreneko finalerdiak egun bi lehenago jokatu dira: abenduaren 26an, 18:00etan. Lau t'erdiaren barruan Igoa eta Fernandez pilotariek neurtuko ditute indarrak. Binaka honako bikote hauen artetik irtengo da finalista: Mata-Irurita eta Alberdi-Gaskue.
Partiduak 'youtube' kanalean ikusgai
Partidu guztiak—finalerdiak zein finala— ateak itxita jokatuko dituzte, baina partiduak 'youtube' bidez jarraitu ahalko dira Zaldua Pelota Taldearen kanalean.