Urrutikoetxea eta Irribarria pilotan elkarrekin ikusteko aukera, Zaldibarko jaietan

Iragan asteburuko jardunaldiko irudia (Argazkia: www.aspepelota.eus/)

Olazar pilotalekuak profesionalen udako pilota torneoaren barruko partidu bat hartuko du datorren zapatuan.

Mikel Urrutikoetxea aurrelari arituko da eta Iker Irribarria atzelari. Zaratamoarrak eta aramarrak Oinatz Bengoetxea eta Julen Martija izango dituzte kontrario.

Profesionalen udako pilota torneoaren barruko partidua izango da. Iragan asteburuan, estreinako partiduan, galdu egin dute Urrutikoetxeak eta Irribarriak: 14-22 Rezustaren eta Artolaren aurka.

Atarikoan Elordi eta Zabala

Atariko partiduan Aitor Elordi mallabitarrak eta Ibai Zabala berriztarrak elkarrekin jokatuko dute. Durangaldeko pilotariek, Arteaga eta O. Etxebarria izango dituzte kontrario.

Sarrerak zelan eskuratu

Pilota jaialdia uztailaren 4an, 22:15ean, hasiko da. Sarrerak hainbat modutara eskuratu daitezke. Esaterako, Zaldibarko Rincon de Paula tabernan salgai egongo dira aste honetako hiru egunetan: uztailaren 1ean eta 2an, 18:00etatik 20:00etara, eta uztailaren 3an, 19:00etatik 21:00etara. Beste aukera bat sarrerak www.entradasfronton webgunearen bidez erostea da (25 euro). Egunean bertan Olazar pilotalekuko lehiatilan ere eskuragarri egongo dira.

Erlazionatuak

[EGITARAUA] Uztailaren 2an hasiko dituzte Zaldibarko kultur jaiak

Zaldibar

Aurtengo programazioan musika, antzerkia eta kirol ikuskizunak egongo dira, segurtasun neurriak bermatuz. Ikuskizunek 300 lagunentzako aforoa eduki...
Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.