Zaldibarko Olazar pilota txapelketa azken txanpan sartuta dago eta Gorka Otaduy, Durangaldeak aurtengo aldian izan duen ordezkari bakarra, finalerdietara sailkatu daiteke. Olazar txapelketan hain urrun heltzen den lehenengo aldia litzateke. Barikuan, 21:30ean, hasiko den jardunaldian, Ioritz Arrietak eta biek Zabala eta Sanchez izango dituzte kontrario. Bikote irabazleak abenduaren 13an jokatuko du finalerdia Zubizarretaren eta Garmendiaren kontra. Bihar Delafuenteren eta Karregalen arteko lau t’erdiko kanporaketa ere izango da.
Finalerdietako beste jardunaldi bat gaur, 21:30ean, jokatuko da. Kaiolan, Seinek eta Egigurenek neurtuko dituzte indarrak. Binaka, Esposito eta Arbizu nafarrek Agirremalloa markinarraren eta Altusarra errioxarraren kontra jokatuko dute.