Gu Ta Gutarrak

[BIDEOA] Elordiren lagunek Bizkaia frontoian ikusiko dute finala: "Irabazi ala ez, zeu zara gure txapelduna!"

Anboto 2023ko eka. 2a, 12:00
Deskargatu Info Ahotsak :

2016an profesionaletan debutatu zuenetik, Elordik bidelagun izan ditu bere kuadrillako lagunak: mallabitarra non, eurak han. Une onetan zein txarretan, ez zaio falta izan animo oihurik. Eta, jakina, Elordiren ibilbideko hitzordurik garrantzitsuenean ere ez dute hutsik egingo. Domekan Bizkaia pilotalekuan izango dira eta eztarria urratzeko prest daudela diote.

2016tik ona makina bat frontoi ezagutu eta bizipen pilatu dituzte Elordiren lagunek. Gartxot Mugarza, Aitor Garitagoitia, Julen Barrainkua, Ioritz Gisasola eta Jon Gisasolak bizipen horietako batzuk gogoratu dituzte final handiaren atarian.

Pantaila erraldoia
Domeka arratsaldean Bizkaia frontoira joan ezin direnek finala lagun artean eta zuzenean ikusteko aukera izango dute Mallabian bertan. Izan ere, 17:00etan pantaila erraldoi bat ipiniko dute Mallabia I pilotalekuan. Ondoren, 21:30ean, harrera egingo diote Elordiri frontoian eta lagun artean afalduko dute. DJ Txurruren musikak girotuko du gaua.

Kirola Mallabia
Erlazionatuak
“Pilotaren mundutik kanpora deskonektatzea lortzen dut; horrek partidu inportanteei aurre egiten laguntzen dit”
“Pilotaren mundutik kanpora deskonektatzea lortzen dut; horrek partidu inportanteei aurre egiten laguntzen dit”

Anboto 2023 eka 02 Mallabia

Aparretan

Erabiltzailearen aurpegia Iñaki Iza Zarazua (Pilotari ohia) 2023 eka 02 Zornotza

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!