Aitor Elordi lau t'erdiko finaletik kanpora geratu zen joan zen asteburuan, Jokin Altunaren kontra galdu ostean. Baina txapelketa oraindik ez da amaitu mallabitarrarentzat. Hirugarren eta laugarren posturako partidua falta zaio. Domeka honetan 17:00etan jokatuko du, Mallabiko pilotalekuan eta Peio Etxeberriaren kontra.
Elordik goi-mailako txapelketa osatu du. Altunaren kontra jokatu aurretik, ligaxkako partidu guztiak irabazi zituen, Joseba Ezkurdiaren, Unai Lasoren eta Danel Elezkanoren kontra.
Mallabiko jaialdia binakako partidu batek osatuko du: Elezkano II eta Rezusta, Larrazabalen eta Albisuren kontra.
Sarrerak
Sarrerak online erosi ahal dira www.entradasfronton.com webgunean; baita egunean bertan txarteldegian ere, 16:00etatik aurrera. Horiek 30 euroko kostua izango dute helduentzat, eta 14 urtetik beherakoentzat, berriz, 5 eurokoa. Pilota-eskolako haurrentzat doan izango da.
Idi-probak
Asteburu honetan idi-probak ere egongo dira Mallabian. Zapatuko saioa Rafa Alegria, Juanjo Etxebarria, Txinlo eta Garaiarrek osatuko dute eta domekakoa Bengouria, Lopategi eta Elorrietak. Saio biak 21:00etan hasiko dira, probalekuan.