Aitor Elordiri pausotxo bat baino ez zaio falta izan kaiolako finalera iristeko. Pilotari mallabitarrak Jokin Altuna amezketarraren kontra jokatu du gaur finalerako txartela, baina ezin izan du txapelketan aurrera egin. Altunak 22-7 irabazi du Bilboko Bizkaia frontoian jokatutako partida. Norgehiagoka 2-2 hasi da, eta itxuraz hasiera lehiatua behar zuena Altunaren lehen zati ona izan da. Amezketarra 12-6ko aldeagaz ailegatu da lehenengo atsedenaldi luzera. Mallabitarrak ale ederrak utzi dituen arren, ezin izan dio erritmoz berdindu. Bigarren atsedenaldira arteko jokoa ere bide beretik joan da. 10-1eko partzialagaz eta 11 tantoko abantailagaz. Hortik aurrera, Altuna zuzenean ailegatu da 22. tantora.