Bizkaiko Epaitegiak 14 urteko kartzela zigorra jarri dio 68 urteko Jaime Olañeta hil zuen 48 urteko emakumeari. Martxoaren 9an azaldu zen gizonaren gorpua, Osma auzoan. Ertzaintzak eman zituen datuen arabera, labanarekin egindako zauri ugari zituen gorputzean.
Giza hilketaren delitua leporatu dio epaileak, nagusitasun-egoeraz abusatzearen astungarriagaz. Dioenez, gizonak ez zuelako defendatzeko aukerarik izan. Hala ere, defentsaren aurkeztutako kaltea konpontzeko aringarria ere onartu dute.
Bere etxetik gertu, bere autoaren ondoan hilik aurkitu zuten Jaime Olañeta, indarkeria zantzuak zituela. Hasiera baten, lapurreta batekin erlazionatu zuten gertaera.