Elena Loyo (Bilbao Atletismo) sasoi betean dago. Orain asteburu bi maratoi erdien Espainiako txapelketa irabazi zuen arabarra izan zen azkarrena Iurretan ere. 34.29-ko denboran egin zituen probako 10 kilometroak. Saioa Elasok eta Pilar Moranek osatu zuten euskaldunen podiuma.
Gizonetan Unai Arroyo gipuzkoarra izan zen aurreneko euskalduna seigarren tokian (31.08) eta berak jantzi zuen txapela. Podiumean Martin Amilibia eta Xabier Lukin izan zituen alboan. Lasterketa Fernando Carro madrildarrak irabazi zuen.
