Herrizaingo sailaren arabera, otsailaren 18ko erasoaren ustezko egilea da gizon hori. Gainera, aurretiaz ere antzeko erasoetan parte hartu izanagatik ikertzen ari direla konfirmatu dute. Izan ere, iazko maiatzean hainbat emakumek salatu zuten Neberondo inguruan gizon batek jazarri zituztela.
Erasoa joan zen astelehenean izan zen. Iurretako 17 urteko neska bat korrika egitera irten zen, eta San Andres auzotik Neberondora bidean zihoala, gizon bat autotik atera eta bere aurrean masturbatzen hasi zen. Gero atzetik segika ibili zitzaion autoz, eta neskak baserri batean eskatu zuen laguntza.
Iurretan jende ugari atera zen kalera erasoaren aurrean protesta egiteko.
