ELA sindikatuko zortzi ordezkarik eta LAB sindikatuko bostek osatzen dute Smurfit Kappa Nerbioi-ko Enpresa Batzordea. Azaroan enpresan izandako hiru sute jarri dituzte adibide moduan segurtasunik eza salatzeko. “Azaroaren 9an suteen kontrako alarma ez zebilen, eta, azaroaren 20an eta 23an suteen kontrako sisteman ez zegoen urik”, azaldu dute ohar komun batean.
Horrez gainera, lan-istripuren bat gertatu ondoren enpresak gertaera “ezkutatu” egin duela salatu dute, "beraien interesen onuragatik", langileen ustez. “Azken urte honetan istripu asko eta oso larriak egon dira, momentuz, zorionez, hilik gabe”. Enpresa Batzordearen esanetan, prebentzio ordezkariek egoera “behin eta berriro” salatu dute Segurtasun eta Lan Osasuneko Batzarrean, baina aktetan ez dela agertzen. “Zer ezkutatzen du enpresak?”, galdetu dute.
