Uda honetarako aquaparka izango dute Iurretan. Duela zenbait aste iragarri eta gero, hasi dira martxan obrak; hondeamakina bat ikus zitekeen gaur goizean lurra mugitzen. Izan ere, instalazioak ezarri aurretik lurra egokitu beharko dute beharginek, hori adostu baitzuen enpresak udalagaz. Igerilekuak, txirristak eta olatu artifizial bat egongo dira Ibarretxe kultur etxearen ondoko lursailean.
Aquaparka udako hileetarako izango da soilik, ez behin-betikoa beraz. Ekainaren 11rako zabalik egotea gura dute, proiektua aurkezteko prentsaurrekoan azaldu zutenez. Egun osorako sarrera bakarra egongo da: iurretarrek 12 euro ordainduko dute, ume zein heldu. Gainontzekoek, berriz, 16 euro. Hala ere, familia ugarientzako hobariak aurreikusi dituzte.
2018 mar 15 Iurreta
2018 mar 22 Iurreta