Graffitiak, Mikel Deuna herri lasterketa, Asto probak eta tortilla txapelketa izango dira, besteak beste, bihar. Umeentzako ekintzek ere ez dute hutsik egingo: eurentzat herri kirolak eta erromeria egongo dira, esaterako. Gauerako, rock kontzertuak antolatu dituzte: Arcada Social, Sermond's eta Niña Coyote eta Chico Tornado taldeak etorriko dira.
Domekan, berriz, XXVIII. Ahari Iurreta Martxa Zikloturista, umeentzako parkea eta paella txapelketa izango dituzte iurretarrek aukeran. Elizara bisita gidatuak ere antolatu dituzte asteburuari begira.
San Migel eguna, jai eguna izango dute Iurretan. Dantzari eta agintarien kalejirak hasiko du eguna, irailaren 29an.
