Tellituko aparkalekuko plazak iurretarrentzako gorde dituzte. Bertan autoa uzteko egoiliarren txartela eskatu behar dute erregistroan. 2015eko urtarriletik aurrera 45 euro ordaindu beharko dira urtean.
Bidebarrieta kalean ere, iurretarrentzako gordetako leku batzuk daude, Mutualia inguruan hasi eta udaltzainen bulegora bitartean.
UUdaltzainen bulego paretik amaieraraino, Bidebarrieta kalea zonalde urdina da. Aparkatzeko tiketa hartu behar da eta gehienez ordu eta erdi utzi daiteke autoa bertan. Tiketa hartzeko ez da ordaindu behar.
Aparkatzeko tiketak hartzeko makina udaltzainen bulego aurrean dago.
Askondo kale osoa zonalde urdina bihurtu da; gehienez ordu eta erdi utzi daiteke autoa bertan, tiketa doan hartu eta gero. Biribilgunetik Bidebarrietarako noranzkoa, eguenetan azoka egoten den tarte horretan, trafikora itxi dute.