Udaletik plazara

[BIDEOA] Elorrioko merkatariek indarrak batu dituzte konfinamendua bukatutakoan lanera "indarrez" bueltatzeko

Ekaitz Herrera 2020ko api. 21a, 11:20

Dendari eta ostalari txikien gertutasuna, konfiantza eta konpromisoa adierazteko bideoa egin dute Elorrioko Merkatarien Elkarteko kideek. Izaskun Agirre elkarteko presidenteak esan du dena pasatutakoan "indarrez" eta "gogotsu" itzuliko direla herritarrengana. Dendak zarratuta izanda, orain bulego lanetan ari dira merkatariak.

"Orain bulego lanak egiten ari gara asko, denda barruan ari gara lanean. Dena pasatutakoan, baina, indarrez eta gogotsu bueltatuko gara herritarrengana", azaldu du Izaskun Agirre EMEko presidenteak. "Udalagaz ere hartu-emanean gaude. Bono batzuk aterako dira orain eta eskertzekoa da egitasmoa. Ikusten dugu badagoela merkatarioi laguntzeko borondatea eta gogoa". Guztira, 58 bat dira Elorrioko Merkatarien Elkartean elkartean sartuta dauden denda eta ostalariak.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!