Construcciones Lasuen SA enpresa ari da lanak egiten, Komentukalea eta Erretentxu kalearen arteko tartean, 2.820 metro koadro inguruko azaleran. Esku-hartzearen bidez, hiri-eremu hori berrantolatuko da, oinezkoei lehentasun handiagoa emateko.
Aldaketa nagusietako bat plataforma partekatu bat sortzea izango da, zoladura guztiak maila berean jarrita eta oinezkoei lehentasuna emanda. Ibilgailuen zirkulazioa bertako bizilagunentzat eta zamalanetarako soilik baimenduko da, eta espaloiek, oro har, 4,5 metroko zabalera izango dute.
Eraldaketak ingurunea hobetzeko elementu berriak ere ekarriko ditu. Zuhaitzak landatuko dira, loreontzi handiak eta hiri-altzariak jarriko dira eta LED argi berriak instalatuko dira.
Proiektuaren barruan azpiegiturak hobetuko dira, hala nola, saneamendurako lurpeko sareak eta euri-uraren kudeaketa hobetzeko drainatze jasangarriko sistemak.
