Txosnen eta udalaren arteko tirabirak ez dira berriak. Lehenengoak behin baino gehiagotan leporatu dio bigarrenari jai herrikoiak antolatzeko "oztopoak" ipini izana. Urrutira joan barik, Durangoko txosna batzordeko 14 eragileek eta hainbat herritarrek agerraldia egin zuten ekainean, udalari "trabak jartzeari uztea" eskatzeko. Iazko jaietan ere, "oztopoak" izan zituzten aipagai: udalak ordutegia murriztu, "kartelak eta olanak kentzeko aginduak" eman eta soinu-mugatzaileak "modu desegokian" zehaztu zituela kritikatu zuten.
Orain, kexa horietariko batek, behitzat, bira bat bat izango duela dirudi. Aurtengo sanfaustoetan txosnak 06:00ak arte zabalik egon ahalko direla adierazi du batzordeak sareetan.
