Lehiari hasiera emateko, Helena Barrenetxea durangarrak eta Arai Lejardi markinarrak Maite Ortiz de Mendibilen eta Maialen Aldazabalen aurka jokatuko dute. Partidua 19:30ean hasiko da. Irabazleak martxoaren 24an jokatuko den finalerako sailkatuko dira. Aldazabalek irabazi egin zuen joan zen barikuan Araba Euskaraz-eko finalerdia (11-15, 11-15, Elaiarekin, Erika eta Romaneren aurka) eta garaipenaren bideari eutsi nahiko dio Durangon.
Erkiaga vs Barandika
Gizonen Banakako Seriesean, Barandikak eta Erkiagak neurtuko dituzte indarrak. Gernikarrak Urreisti gainditu zuen final-laurdenetan, partida on bat eta bigarren set borobil bat jokatuz. Erkiaga beti da faborito, baina Barandika kinielak hausten ahaleginduko da.
Datorren astean, martxoak 17, Ihart-Frida eta Elaia-Oaia izango ditugu Euskotren Winter Seriesean, eta Olharan vs Johan Banakako Seriesan.
Sarrerak LOTURA HONETAN eskuratu daitezke.
![[ARGAZKI GALERIA] Beteranoak nagusi, Durangoko Banakako Seriesean](https://anboto.tok-md.com/argazkiak/huJ/cache/1741081419_tokikom_735x413.jpg)