Emakumeen taldearen 50. urteurrena ospatzeko ekimen berri bat egingo du zapatu honetan Tabirakok. Oraingo honetan egun osoko jai bat antolatu dute Landako Gunean. Eguerdian Durangoko kaleetan jai giroa zabaldu ostean Landako Gunean batuko dira bazkaritara. Bazkalostean hainbat opariren zozketa egingo dute. Ondoren, 17.30ean, dantzak eta DJak egongo dira.
Oraingo hau ez da urteurrena gogoratzen duten lehen aldia. Besteak beste, otsailean, Tabirako Baque eta Mondragon Unibertsitatea taldeen partiduko atsedenaldian '50' erraldoi bat irudikatu zuten kantxaren erdian urteurrenari keinu bat eginez.