Palestinarrak Gazan bizitzen ari diren egoeraren aurrean, eurei elkartasuna erakusteko kontzentrazio bana egin dute Durangon eta Iurretan gaur arratsaldean. 'Palestina aurrera' eta 'Palestina askatu' lako leloak entzun ahal izan dira.
Aurreko egunetan Abadiñon, Zaldibarren, Atxondon eta Durangon bertan elkarretaratze gehiago egin dituzte helburu berarekin. Bariku honetara begira beste deialdi bi daude: Bata, Elorrioko plazan,19:00etan; bestea Berrizko Urtiaga plazan, 19:30ean.
Iurretan Askondoko aterpean elkartu dira.