Azken egunotan Palestinan gertatzen ari denaren harira, hainbat eragilek elkarretaratzera deitu dute eguen honetan, 19:00etan, Durangoko Ezkurdi plazan. 'Okupazioa gelditu, Palestina askatu' izango da mobilizazioko leloa. Durangaldeko Elkarrekin Podemos alderdiak ere iragarri du, protestan parte hartuko duela, eta bertaratzeko deia egin die herritarrei. Iurretan ere eguenean batuko dira, 19:00etan Askondon.
Gaur, berriz, Atxondon egingo dute kontzentrazioa. 18:30ean izango da, Irubideko rotondan. Eta barikuan, urriak 20, 19:00etan Elorrioko plazan.
Aurreko egunetan Abadiñon eta Zaldibarren ere kontzentrazioak deitu izan dituzte, besteak beste.