Herritar guztiei irekirik egon zen ekitaldiak hainbat osagai izan zituen: boulderra aurkeztu zuten, mendiari eta eskaladari buruzko ikus-entzunekoak eskaini zituzten eta luntx bat ere egon zen bertaratu zirenentzat.
Ourdaybik 30 urtetik gora daramatza abenturari lotutako kirolak sustatzen eta une honetan osasuntsu daude. "Biziberrituta gaude. 40 bat ginen eta orain 240 bat erabiltzaile daude", dio Ourdaybiko Javier Canales Osinaga 'Joni'-k. Herritarrei elkarteko kide izateko deitu dituzte.
