Atzo egin zuten lehenengo bilkura. Ima Garrastatxu alkatea eta Julián Ríos alkateordeak Umeen Kontseiluaren eraketan parte hartu zuten, familiekin eta umeekin batera. “Umeen Kontseilua martxan jartzeko beharrean eta Udalari egingo dion ekarpenean sinisten dugu, eta konpromiso hau serio hartzen dugu, zuen ekarpenak haintzakotzat hartzeko, izan ere, ziur gaude gure jardueren hobekuntzarako baliagarriak izango direla”, adierazi dute Garrastatxuk eta Ríosek.
Joan zen urrian Oinherri egitasmora batu zen Durango. Udalak 'Herri hezitzailea' izateko konpromisoa hartu zuen erabaki horregaz. Besteak beste, "ume eta gazteen partaidetza bultzatuko dituzten iniziatibak martxan jartzea" da udalaren asmoa, eta, umeei "ahotsa, protagonismoa, erabakitzeko ahalmena eta erantzukizuna ematea.
