Durango Rugby Taldeak asteburuko kirol jarduera etetea erabaki du

(Argazkia: goiena.eus)

Intzidentzia tasaren 500eko langa pasatuta, Durango eremu gorrira igaro delako hartu dute erabakia. "Erabaki hau hartzeko arrazoibidea gizartearekiko erantzukizunean eta osasunaren babes irizpidean oinarritzen da, hala nola, gure jokalarien, langile teknikoen eta klubaren ekintzetan parte hartzen duten agenteen eta baita haien familienean ere", adierazi dute ohar batean.

Gaur DRTko Zuzendaritza Batzordeak telematikoki egindako batzarrean "aho batez" hartu dute erabakia. Beraz, nesken senior taldea ez da Hernaniko errugbi 7ko txapelketara joango eta mutilen seniorren taldeak bihar Durangon Uni Bilbaoren aurka jokatu behar zuen partidua bertan behera uztea eta atzeratzea eskatu dute. Entrenamenduak ere bertan behera utzi dituzte.

Intzidentzia jaitsi eta eremu gorritik irten bezain laster, kirol jarduera berriro hasiko dela jakinarazi dute.

Azkenik, klubeko kide guztien "ulermena" eskatu dute hartutako erabakiaren aurrean eta egungo egoera lehenbailehen aldatzeko "nahia" erakutsi dute.

Erlazionatuak

Durango Nissan Gaursa garaipenagaz itzuli da lehiara, hamar hilabeteko parentesiaren ostean

Hamar hilabetean partidu ofizialik jokatu barik egon dira, baina DRTko jokalariei ez zaie errugbian jokatzea ahaztu. Joan zen asteburuan garaipenag...
Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.