Apurka Landako Gunea PCR probak egiteko prestatzen ari dira. Hainbat mahai jarri dituzte, bakoitzean ordenagailu birekin. Sarrera-irteerak Ibaizabal auzoko parkea dagoen aldetik egongo dira. Izan ere, beste aldean, Landako Elkartegian, nagusien egoitzeko langileei eta bisitariei PCR probak egiten ari zaizkie (gaur eta bihar arratsaldean) eta bi multzoak bereizteko hartu dute erabakia. Sarrera Landako Guneko eraikinaren erdiko atetik izango da; irteera, berriz, lehenengo atean kokatu dute, Landako Etorbidearen aldetik.