18:45ean Batukandrak giroa berotuko du Andra Maritik hasita, eta udaletxeraino joango dira, pregoiaren irakurketarako. Hori amaituta, #askemaite lemapean kalejira hasiko da Alde Zaharra zeharkatu eta Intxaurre parean amaitzeko. “Pertsona guztiak ekitaldi xume honetan parte hartzera gonbidatzen ditugu, bere helburua durangarren aniztasun sexuala ikusgai izatea, defendatzea eta bultzatzea baita”, adierazi dute Kili Kili elkartekoek.
Horrez gainera, udaletxea eta herriko hainbat komertzio ostadar koloreekin dekoratuko direla azaldu dute. Horregatik, antolatzaileek eskerrak eman dizkiete udal ordezkariei eta Dendak Bai elkarteari, baita Batukandrari ere ekarpenagatik.