Homofobia, Lesbofobia, Transfobia eta Bifobiaren aurkako eguna da gaurkoa, maiatzaren 17a. Horregatik, Durangaldean jaio berri den Kili-Kili LGTB elkarteak ekitaldia egin du Durangon. Sexu aukeragatik Frankismoaren biktima izan zirenen omenez Landakon dagoen eskulturan omenaldia egin dute, lore eskaintza bategaz.
Eider Lauzirikak egin du berba ekitaldian. "Diskriminaziorik gabeko gizarte baten sinesten dugu, denok libre izango garena. Bakoitzak nahi duen erakoa izateko, gura duena maitatzeko eta pozik bizitzeko eskubidea dauka".
Omenaldira EAJ, EH Bildu, Herriaren Eskubidea eta PSE-EEko kideak batu dira.
