Kobika jatetxeak pintxo txapelketen gailurrean jarraitzen du

Iñigo Kortabitarte, eskumatik lehena, Bilbon jokatutako finalean.

Maiatzaren 3tik 16ra bitartean Bizkaiko pintxo txapelketa jokatu dute, eta Durangoko Kobika jatetxeak zilarrezko saria lortu du.

Aurreko bi edizioetan lehen saria irabazi ostean, aurtengoan bigarrena jaso eta pintxo txapelketen gailurrean jarraitzen du Kortabitarte anaien Kobika jatetxeak. "Oso pozik gaude, zeren gero eta zailagoa da txapelketak irabaztea. Gero eta jende gazte gehiago dago eta tabernetan pintxo hobeak egiten dituzte. Aurten oso maila ona egon da", esan du Iñigo Kortabitarte sukaldariak. Besteen produktu eta teknika berriengandik ikasteko ere aukera bat izan ohi da. Izan ere, etenbako eraberritzean dagoen sukalde bat da Kobikakoa. 

Choux iberico izeneko pintxoa aurkeztu dute Kobikakoek. Itxurak ziria sartzen duen horietakoa da: pasteltxo bat dirudi bistara, baina sekretu iberikoa, hirugiharra eta sagar gailetagaz osatutako pintxo bat da. Lehen saria Ermuko Mojito Club Kiska tabernako Andoni Perezek jaso du, Taconazo pintxoagatik.

Erlazionatuak

Kortabitarte anaiak berriro ere garaile Bizkaiko Pintxo Txapelketan

Durango

Kobika jatetxeko sukaldariek iazko garaipenari eutsi diote, gaur Bilbon jokatu den finalean. "Sorpresa harrigarria da iazko garaipena errepikatzea"...
'Miniature' kongresuan txapeldun geratu dira Kobika jatetxekoak

Durango

Goi mailako miniatura-sukaldaritzaren kongresua da 'Miniature', eta Iñigo eta Koldo Kortabitarte anaiek landutako pintxoa onena dela esan du...
Kobika jatetxeko pintxoak Espainiako txapelketako epaileak harritu ditu

Durango

Durangoko Kortabitarte anaien Kobika jatetxeak sari garrantzitsu bat jaso du Valladoliden jokatutako Espainiako pintxo lehiaketan.