Kortabitarte anaiak berriro ere garaile Bizkaiko Pintxo Txapelketan

Kobika jatetxeko sukaldariek iazko garaipenari eutsi diote, gaur Bilbon jokatu den finalean. "Sorpresa harrigarria da iazko garaipena errepikatzea", esan dute amaieran. Codwich izeneko pintxoagaz irabazi dute Amstel Oro - Bizkaiko Pintxo Txapelketa.

Eskuekin jateko pintxo bat da saritutakoa, bakailua, txangurroa, letxuga gelak eta pil-pila dituena osagai. "Pintxo honek poz handiak eman dizkigu, zaporeei dagokienez orekatua eta pentsatua dago", azaldu dute Kortabitarte anaiek.

Hainbat sukaldarik parte hartu dute lehiaketan, eta aipagarria da Garaiko Aboiz jatetxeko Dani Garcia sukaldariak epaile lanak egin dituela sailkapen fasean.

Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.