Estazioko proiektua garatzeko beste pauso bat eman du udalak, udalbatzak obrak geratzea agindu arren

Estazioko proiektua garatzeko beste pauso bat eman du udalak, udalbatzak obrak geratzea agindu arren

Eusko Jaurlaritzaren proiektua uztailean onartu zuen udalak dekretu bidez, eta gero alegazio fasea zabaldu zen. Orain, behin-betiko onarpena eman dio, martxoaren 1eko Bizkaiko Aldizkari Ofizialean argitaratuta. Urtebeteko epea ematen du geltoki inguruko urbanizazio lanak amaitzeko, eta handik urtebetera etxe dorreen eraikuntza hastea ezartzen du.

Kontua da 3.000 durangarrek eskatutako galdeketaren bidea ere hasita dagoela, eta horregatik, kontsulta egin arte obrak geratzea proposatu zuen Erabaki plataformak urtarrileko bilkuran. Mozioa aurrera atera zen, EH Bildu, Herriaren Eskubidea eta PSE-EEko Mauricio Garciaren aldeko botoekin. Beraz, udal gobernuak otsailaren 22an hartutako eta martxoaren 1ean aldizkarian publikatutako erabakia ez dator bat bilkurako mandatuagaz. 

Plataformaren ustez udal gobernua "gezurretan" ari da, eta azken erabaki hau "durangarrei eginiko adarjotze" bat da. "Hitz politak entzuten ditugu, baina errealitatea beste bat da. Beste behin ere engainatu gaituzte, galdeketa bat egingo dutela esanez eta prozesua atzeratzen duen batzorde bat eratuz". Udal gobernuak proiektua "egungo beharretara" egokitzeko eskatu zion Jaurlaritzari, baina tramitazio ofiziala aurrera doa. Horren atzean, jokaldi bat dagoela uste du Erabakik. "Gero beldurra sartu nahi izango digute, obrak geldituz gero Eusko Jaurlaritzari dirutza bat ordaindu beharko diogula esanez".

Erlazionatuak

Durangoko estazioko obrak gelditzea onartu du udalak, PSE-EEko Mauricio Garciak ere Erabakiren mozioa babestuta

Durango

EH Bilduk, Herriaren Eskubideak eta PSE-EEko Mauricio Garciak babestu dute Erabakiren mozioa, kontsulta egin arte planaren obrak gelditzea eskatzen...