Natxo Cartonen ustez, "gauzak aldatzeko gogoa" ere badago euren ekarpenaren oinarrian. Eta, gauzak aldatzen saiatzeko, norbere ohiturak aldatzen hastea da lehen pausoa. Bisitan joaten direnean, protokolo zehatza betetzen dute, Silvak kontatzen duena. "Arropa bikarbonatoagaz garbitzen dugu, edozein usain eta gai kimiko ezabatzen du eta. Dutxatzerakoan ere, gorputza bikarbonatoagaz garbitu behar izaten dugu, eduki ditzakegun usainak, desodoranteenak-eta, kentzeko. Gero, etxerantz joaten garenean, inogaz gurutzatzea ere saihesten dugu. Protokoloari jarraitu ezik bere etxea kutsatu dezakegu, eta bera zorabiatzen hasten da". Mugikorrik ere ez dute eramaten.
Umeekin ere bai
Etxetik irten ezin denarentzat, bisita batek balio itzela du. "Bera ikusteak bete egiten zaitu, poza ematen du bera pozik ikusteak", dio Silvak. Sarritan umeekin ere egin izan dute protokoloa. "Umeen besarkada sentitzea itzela da berarentzat
