Gobernu taldeari "hitzetatik ekintzetara" pasa eta estazioko eremua birmoldatzeko plana gelditzea eskatu diote, gero herritarrei galdetzeko. "Uste dugu ordua dela bulego itxi eta ilunetan erabakiak hartzeari utzi eta herritarrekin batera adosteko gure herriarentzako garrantzitsuak diren plan eta proiektuak".
Oposizioko alderdiek salatu dute EAJk eta PSE-EEk azken urte eta erdian hiru aldiz berretsi dutela etxe dorreen plana. "Guztion harridurarako, aste honetan 180 graduko bira eman dute". EH Bildu eta Herriaren Eskubideak "begi onez" ikusi dute aldaketa hori, eurek hasieratik ideia hori defendatu dutelako. Baina, gobernuaren aldaketaren oinarrian '"hauteskundeetarako 4 hile falta direla" eta Erabakiren sinadura bilketak sortutako "kale aktibazioa" daudela uste dute.
