Gaur arratsaldeko 17:00etan egingo da batzordea, Durangoko udaletxean, eta plataforma herritarrak bertaratzeko deia egin du. Erabakiren berbetan, galdeketak eta lanek aldi berean aurrera jarraitzea ez dira bateragarriak. EAJk eta PSEk osatzen duten udal gobernuei zuzendu zaie, baita ere, ohar baten bidez. "Ez da bidezkoa galdeketa egiten denean trenaren lurrak jadanik urbanizaturik egotea, horrek galdeketa bera baldintzatuko baitu". Galdeketaren galdera proposamenak, Durangoko erroldaren %15ak babestu zuela gogoratu du Erabakik, baita ere.
Horrez gainera, herritarrei multa eta kalte-ordainei buruzko informazioa ematea eskatu dio udal gobernuari.