Lehenengo gai ordenean jasotzen zen, hirugarren puntuan, galdeketaren tramitazio prozesua hasteko eztabaida. Baina, gaur gai-ordenetik kendu dute, diktaminatu barik dagoelako. Alkateak kontu-ematearen atalean informatuko du gaiaz. Bestalde, Erabakik ere mozio bat aurkeztuko du gaiagaz lotuta.
Udal gobernuaren hasierako analisiak ez zituen behar beste sinadura balioztatu, baina Erabakik 450 bat sinadura falta zirela ohartarazi zuen. Badirudi horiek zenbatu eta 300 bat egiaztatu dituztela.
Galdeketarako, urtebeteko epea
Galdeketa egin ala ez bozkatzen den unetik, udalak hiru hile eta urtebeteko epea edukiko du kontsultarako egun bat ipintzeko. Beraz, urtarrila amaieran bozkatzen bada, maiatzetik aurrera egingo litzateke galdeketa, gutxienez.
