Estatu mailakoa den Conama sarietan bigarren postua lortu du Durangok, 5.000 eta 30.000 biztanle arteko mailan eta atzo jaso zuten saria. Aitziber Irigoras alkatea eta Pilar Rios alkateordea, Madrilgo Kongresuen Udal Jauregian izan ziren, eta Manuela Carmena Madrilgo alkateak eman zien saria. Irigoras "pozik" agertu zen udalarentzat "hain garrantzitsua" den iraunkortasun eta ingurumen esparruan aitortza hau eskuratzeagatik. Bestalde, alkateak udal teknikarien lana ere azpimarratu zuen, eta udal langileek, proiektua azaltzeko aukera ere izan zuten Madrilen.
Eraikin publikoetan eta etxebizitzetan energia berriztagarrien azterketa egiteko plan bat aurkeztu du udalak, iaz hasi eta 2019an amaituko dena.
