Hain justu, gaiagaz lotutako beste proiektu bat aurkeztu du udalak gaur. Europa mailako Ren0ZEB sarean sartzeko gonbidapena jaso du, eta egitasmo bat txertatu du bertan. Laubidetan duen eraikina, larrialdietarako etxebizitzak jasotzen dituena, eraberritu egingo dute efizientzia energetikoari begira. Material berriak irizpide horren baitakoak izango dira. Horrela, energia aurreztea lortu gura dute, eta eraikina energia sortzaile bihurtzea ere bai. Azken urtebetean ikerketan ibili dira, eta aurrerantzean hobekuntzarako obrak egingo dituzte. Guztira, 42 hilabeteko epea dauka egitasmoak.
Ingurugiroaren Conama sarietan bigarren postua lortu du Durangok
Estatu mailako lehiaketa horretan, bigarren postua lortu du 5.000 eta 30.000 biztanle arteko mailan. Eraikin publikoetan eta etxebizitzetan energia berriztagarrien azterketa egiteko plan bat aurkeztu du udalak, iaz hasi eta 2019an amaituko dena. Aitziber Irigoras alkateak uste du errekonozimendu bat dela. "Akzesit honek argi uzten du soluzio berriak garatzeko eta ingurugiroaren kudeaketan eta hobekuntzan eraginkorki parte hartzeko gai garela".
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.
EGIN ZAITEZ KIDE!
EGIN ZAITEZ KIDE!