"Durango fumigatzearen" aurka dago Herriaren Eskubidea, pinuentzako tratamentuaren harira

Markel Onaindia 2018ko aza. 2a, 13:03

Pinuen gaixotasuna eten guran, kobre oxidoa botatzeko baimena eskatu du Bizkaiko Foru Aldundiak. Baina, hainbat ekologista arduratuta agertu dira. Herriaren Eskubidea ere ez dago ados. "Durango aire kalitate txarragatik kaltetuta dago, eta ezin dugu onartu kobre oxidoaren fumigazioagaz egoerak txarrerantz egiterik". 

Martitzeneko osoko bilkuran mozio bta aurkeztuko du Herriaren Eskubideak, fumigazioa saihesteko asmoz. "Kobre oxidoa kutsagarri arriskutsua da pertsona nagusientzat eta ur baliabideentzat". Horrez gainera, basogintza ereduagaz ere kritiko agertu da. "Soluzioa ez da gure ingurunea kutsatzea, ezta pinuak eukaliptoengatik ordezkatzea ere. Baso autoktonoak berreskuratu behar ditugu". 

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!