Zugaza, jaien hasieran: "Artistak gaur zuek zarete!"

Miguel Zugaza txupineroak arte kutsua eman dio pregoiari. Besteak beste, bere familia gogoan izan du, Eneko Sagardoyren lana goraipatu du, eta Kurutziaga ikastolako urtemuga ere ospatzeko deia egin du. Bere alabari utzi dio azken mezua: "Ez, beti da ez".

Udaletxeko plaza gainezka egon da, jai giro biziaren seinale. Patxikotxugaz kalejira egin dute San Fausto auzoko bizilagunek, eta 20:00etan heldu dira plazara. Jendea urduri, jaiak hasteko gogoz, eta Zugaza Aitziber Irigoras alkateagaz eta Pilar Rios alkateordeagaz balkoira irten denean oraindik eta gehiago. Emozioak guztiz lehertu dira txupina aireratzean.

Bestalde, Durangok Planto mugimendukoak ere bertan izan dira, eta zapi berdeak eramateaz aparte, pankartak ere zabaldu dituzte. 

Erlazionatuak

“Egun hain berezi batean herritarrak ordezkatzeko deitu izana harrotzeko modukoa da"

Durango

Kazetaria grabagailua piztera doala, Kirmen Uribe idazlearen deia jaso du Zugazak. Durangoko txupinazoaren harira, ANBOTOk elkarrizketa egin behar ...