Errefuxiatuak hartzeko planak martxan daude estatuan, eta Eusko Jaurlaritza ere badabil sor litezkeen egoerak aztertzen. Izan ere, oraindik ez dago zehaztuta zenbat pertsona eta zein egunetan heldu ahal diren. Durangon, larrialdi kasuetarako etxeak dauzka udalak, eta libre dituenak errefuxiatuen esku uzteko prest dagoela adierazi dio Jaurlaritzari, iaz 7 errefuxiatu kurdugaz egin zuen lez. Pilar Rios alkateordeak azaldu du "Bilbo eta Getxoko udalekin batera lehenak" izan direla euren baliabideak eskaintzen.
Erkidegoan, Aquariuseko errefuxiatuen %10 jasotzeko prest daudela adierazi du Jaurlaritzak. Errefuxiatuak Hartzeko eta Gizarteratzeko Erakunde arteko eta Gizarte Batzordetik koordinatuko dute laguntza. Hauek dira partaideak: Eusko Jaurlaritza, Aldundiak, EUDEL, CEAR, Gurutze Gorria, ACCEM, MPDL, Cáritas eta Ellacuría Fundazioa.
